Üse Rocky isch jetz scho zäh Mönet alt und macht üs jede Tag immer wieder grossi Freud. Do si wieder einisch es paar luschtigi Föteli vo ihm, wo är grad säuber duet kommentiere…

Bild 1:
Uiiii… das si aber scho chli grossi Kollege, zum Glück tuet mi dr Päpu beschütze, mir si ufere Juraweid
Bild 2:
Das isch bi üs z Arch a dr Aare, ha chly dörfe rite….
Bild 3:
Das si es paar Kollege i dr Hundeschuel, uhh denn isch es heiss gsi u mir hei s chüele Bad gnosse…
Bild 4:
So ne chlyne bini aber de doch nid….
Bild 5:
Die Wybärge i dr Toscana hei mim Päpu mega gfalle…
Bild 6:
Ha sogar scho dörfe mit goh as Meer nach Viareggio, das Wasser dört cha me aber nid trinke….
Bild 7:
Bim Wandere ir Toscana, hani aubes chly dörfe rite, wil ig haut no e Chlyne bi, vo do obe isch d Wäut no interessanter….
Bild 8:
Mir zwöi hei üs mega-gärn…
Bild 9:
Das si übrigens no mis Müetti u dr Päppu
 

Mir schicke do wieder es paar Föteli vo üsem Wunderhüngli "Nelson Rocky vom Lotharstrurm".
Er isch jetz de scho gli nümme es Wälpeli und ufem beschte Wäg zum Junghung.

Das Tierli macht üs jede Tag immer wieder e riesige Freud mit sim fröhleche übermüetige u fründleche Wäse.
Dr Rocky isch natürlich wie aui chlyne Hundeli e richtige Luszapfe u het gäng es paar luschtigi Streiche für üs parat.
Er isch aber ou sehr glehrig u cha scho ganz guet sitze, Platz mache u meischtens ou cho, wenn me ihn rüeft (wenn er nid grad öbbis interessanters im Gringli het....)

Bildlegende

- Bim Spaziere muess me zwüschine ou chly verschnuufe
- Deheime im Garte füel ig mi am wöuschte
- Dasi isch de mi Chnoche gäu...
- Es schööns Plätzli a dr Aare
- Uf em Wäg i d Wälpeschuel, ig frue mi scho...
- Das isch eine vo mine liebschte Kollege ir Wälpeschuel...
- ...er heisst Mirko
- Das isch bequemer als nochespringe...

Ungedra hets es paar Föteli vo chürzlech, woner 12 Wuche aut isch.
Mir hei e riese Freud a däm chlyne Pascha...
Si scho drü mou ir Wäupeschuel gsi, es isch prima gange, er chunnt mit aune Hundeli sehr guet us u cha ganz luschtig schpile mit ne...

Üse Rocky het die ganz Nacht bi üs im Schlofzimmer i dr Box düregschlofe u het ersch am Morge vorusse brünzlet, - es Supertierli! Er het sech scho guet igwöhnt u füehlt sech scho richtig deheime, het fasch nüt gwinselet, würklech e Liebe!